"Məktəbli qızların təhsilinə dəstək" proqramı

KitabGəzərlayihəsinin əsas istiqamətlərindən biri olan "Məktəbli qızların təhsilinə dəstək" proqramı 2021-2022-ci il üzrə qəbulu açıq elan edir! Bizim missiyamız maddi çatışmazlıq, erkən nigah, zorakılıq kimi problemlərlə üzləşən 13-18 yaş aralığındakı qızlarımız üçün təhsili əlçatan edərək öz ayaqları üstündə sağlam durmalarını təmin etməkdir. 2021-2022-ci tədris il üzrə əhatə ediləcək rayonlar: Cəlilabad, Masallı, Yardımlı, Lerik, Tovuz, Gədəbəy, Daşkəsən, Neftçala, Zərdab, Saatlı, Quba, Qusar və Qobustan. Qeyd: Seçilən rayonlar ali təhsil müəssisələrinə qızların ən aşağı qəbul alma, təhsildən kənarlaşdırılma, erkən nigaha cəlb edilmə statistikalarına əsaslanmışdır. Növbəti tədris ilində dəstək olmağı hədəflədiyimiz məktəbli qızlarımız üçün aşağıdakı fəaliyyətləri həyata keçirəcəyik: • Məktəb ləvazimatları və repititor xərclərinin qarşılanması; • Peşə seçimi üzrə mentorluq; • Ailə münasibətlərinin tənzimlənməsində psixoloq, sosial işçi və hüquqşünasların dəstəyi; • Tələbə adını qazanmış məzunlarımız üçün karyera planlaşdırılması. Müraciət forması:https://forms.gle/fiKJwhpYU1gbK8L98 Müraciət üçün son tarix: 4 oktyabr 2021-ci il (saat 23:59) Qeydiyyat formasını dolduran və proqramın şərtlərinə uyğun gələn bütün şagirdlərlə 4 oktyabr tarixindən sonra əlaqə saxlanılacaqdır. Dəyişiklik təhsildən başlayır