SOCAR-ın təlim, tədris mərkəzi şagird qəbulu üçün müsabiqə keçirir

TƏLİM MƏRKƏZİNƏ SƏNƏD VERMƏK İSTƏYƏN GƏNCLƏRİN NƏZƏRİNƏ!

SOCAR-ın Təlim, Tədris və Sertifikatlaşdırma İdarəsinin Qobustan Regional Təlim Mərkəzi (QRTM), Kadr hazırlığının təşkili Mərkəzi (KHTM) , Qala Təlim Tədris Mərkəzi (QTTM) və Sumqayıt Təlim, Tədris Mərkəzinə (STTM) şagird qəbulu üçün müsabiqə elan edir. Müsabiqədə aşağıdakı şərtlərə cavab verən gənclər iştirak edə bilərlər:

• Azərbaycan Respublikasının vətəndaşı olmalı
• 29 yaşı tamam olmamalı
• Ali təhsilli, Orta ixtisas təhsili, ilk peşə-ixtisas təhsili və ya ən azı tam orta təhsili olmalı (hazırda təhsilini davam etdirən gənclər müraciət edə bilməzlər)
• Hərbi bileti olmalı (“Mühafizəçi” peşəsi üzrə müraciət edənlər həqiqi hərbi xidmət keçmiş olmalı, digər peşələr üzrə həqiqi hərbi xidmət keçməsindən asılı olmayaraq)

“Mühafizəçi” peşəsinə müraciət edənlər üçün əlavə şərtlər:

• Boyu - minimum 180 sm
• Qolların üzərində bədənin döşəmədən qaldırılıb-endirilməsi - 50 dəfə;
• Turnikdə dartınma - 10 dəfə
• Qaçış:

100 (yüz) metr - 15 saniyə

1000 (min) metr - 4 dəqiqə

II tura – müsahibə mərhələsinə gələn namizəd aşağıdakı sənədlərin əslini təqdim etməlidir:

• Şəxsiyyət vəsiqəsi
• Hərbi bilet (oğlanlar üçün)
• Attestat/ Diplom
• Sağlamlıq haqqında arayış (Forma 86)
• Rentgen flüoroqrafiyası

III tur- Test imtahanında riyaziyyat üzrə 20, fizika üzrə 10, Tarix və ümumi dövlətçilik üzrə 5, məntiqi təfəkkürün yoxlanılması üzrə 5 sual olmaqla ümumilikdə 40 sual təqdim olunacaqdır. Test imtahanında səhv cavabınız ümumi nəticəyə təsir etməyəcəkdir.

Şagirdlərin təhsil müddətində təminatları:

• Aylıq təqaüd
• Gündəlik nahar

Qeyd 1 : Tədrisi STTM-də təşkil olunan peşələr üzrə Sumqayıt şəhəri və Abşeron rayonunda qeydiyyatda olanların müraciətlərinə üstünlük veriləcəkdir.
Qeyd 2 : Orta ixtisas, ilk peşə və ali təhsilli namizədlər attestat əvəzinə diplom təqdim etməlidirlər.
Qeyd 3 : Əvvəlki illərdə müsabiqədən uğurla keçmiş amma üzrsüz səbəbdən oxumaqdan imtina etmiş namizədlər, təlim mərkəzindən xaric olunan şagirdlər və təlim mərkəzlərinin məzunları müraciət edə bilməzlər.
Qeyd 4 : Qəbul bitdikdən sonra yuxarıda qeyd olunmuş qaydaların pozulması aşkarlandıqda qaydanı pozan şəxs dərhal müsabiqədən kənarlaşdırılacaqdır.
Qeyd 5 : SOCAR təlim mərkəzlərini bitirən şagirdlərin işlə təmin olunmaları ilə bağlı öhdəçilik daşımır.

Müraciət et

Müraciətlər elektron formada qəbul olunur. Elektron müraciət formasını "Müraciət et" bölməsindən doldura bilərsiniz.

Qəbul haqqında hər hansı bir sualı olan vətəndaşlar [email protected] elektron poçt ünvanına yaza bilərlər.

Əlaqə nömrələri: (012) 521-00-00 (daxili: 48-049 / 48-056)

Müraciət üçün son tarix: 15 aprel 2024